不知不覺間原來已經換完左頭兩 Set Bricktober 限定主題人仔,如果你依家睇到嘅時候想換返 5005257 NINJAGO Minifigure Collection 以及 5005254 Harry Potter Minifigure Collection 的話,咁就要睇你多唔多「朋友」幫手啦!
事不而遲,我我地即刻睇埋最後兩款 Bricktober 限定主題人仔有咩賣點!
- 5005255 Jurassic World Minifigure Collection – (換領日期:10月9 – 15日)
有消息就提到 LEGO 下年會繼績有 Jurassic World 嘅主題產發售,不過今年 Jurassic World 主題好特別地出一盒 75932 Jurassic Park Velociraptor Chase 去比我地呢啲對《侏羅紀公園》有情義結嘅玩家去收藏。咁下年會唔會有同類嘅情況出現就要下年先知,不過呢 Set Minifigure 如果你有買到 75932 嘅話,其中一個角色你必定想擁有。
![](http://www.vjgamer.com.hk/wp-content/uploads/2018/10/09/45331/格式工廠IMG_79151-900x675.jpg)
左起: Dr. Ian Malcolm (侏羅纪公園)、Claire Dearing (侏羅纪世界)、Owen Grady (侏羅纪世界)、Baby Blue加隻雞脾 (侏羅纪世界)
![](http://www.vjgamer.com.hk/wp-content/uploads/2018/10/09/45331/IMG_7991a-900x424.jpg)
Dr. Ian Malcolm (侏羅纪公園)Jeff Goldblum喺第一集出眾嘅胸毛演出令大家印像都好深刻,而家出返令 75932 嘅 Minifigure 多一個成員
![](http://www.vjgamer.com.hk/wp-content/uploads/2018/10/09/45331/IMG_7992b-900x675.jpg)
雙表情加上比較少有嘅健康膚色加黑超,未計佢迷人開胸黑裇衫都經已令 Minifigure 收藏者或者《侏羅紀公園》 Fans 心動
![](http://www.vjgamer.com.hk/wp-content/uploads/2018/10/09/45331/IMG_8005a-900x410.jpg)
Claire Dearing 今次呢個造型就非常有趣,係將《侏羅纪世界》1 & 2 嘅造型結合於一個 Minifigure 當中。
![](http://www.vjgamer.com.hk/wp-content/uploads/2018/10/09/45331/IMG_8007b-900x675.jpg)
第二集嘅髮型配上第一集嘅手提電話
![](http://www.vjgamer.com.hk/wp-content/uploads/2018/10/09/45331/IMG_8016vvva-900x519.jpg)
Owen Grady & Baby Blue 呢對(誤)如果大家睇戲一定唔多覺 Owen 喺第二集著過米黃色衫,但原來成個造型加配件係同 Mattel 一套玩具一樣!
![](http://www.vjgamer.com.hk/wp-content/uploads/2018/10/09/45331/IMG_8019aaa-900x675.jpg)
兩個超有趣表情成為 Owen 嘅最吸引點
![](http://www.vjgamer.com.hk/wp-content/uploads/2018/10/09/45331/Movies-Jurassic-World-Fallen-Kingdom-06282018aa-900x342.jpg)
同電影一樣都有返個護臂
![](http://www.vjgamer.com.hk/wp-content/uploads/2018/10/09/45331/IMG_8025aa-900x356.jpg)
如果大家冇入到之前嘅 Set (75931/75933) 同禮品 Polybag (30382),咁想入手 Baby Blue 就要靠呢 Set Minifigure 啦
- 5005256: Marvel Super Heroes Minifigure Collection – (換領日期:10月16 – 22日)
LEGO Avengers: Infinity War 主題 Set 今年大大話話都出左 6 款,不過大家睇完套戲就發現有啲角色好似冇喺呢 6 款當中出現。而 5005256 呢 Set Minifigure 應該會係今年 Bricktober 限定主題人仔 最多玩家希望收藏嘅一 Set。
![](http://www.vjgamer.com.hk/wp-content/uploads/2018/10/09/45331/IMG_7914a-900x675.jpg)
左起:War Machine Mark IV、Wong、Tony Stark、Bucky (Winter Soldier)
![](http://www.vjgamer.com.hk/wp-content/uploads/2018/10/09/45331/IMG_79351a-900x249.jpg)
War Machine Mark IV 雖然只喺電影中嘅最終大戰出場,不過一出場嚟個大範圍轟炸,點唔記得佢。而且 War Machine 喺 LEGO 嘅產品中都並非常見,今次都只係第 3 次出現,要儲嘅 Fans 就記住啦!
![](http://www.vjgamer.com.hk/wp-content/uploads/2018/10/09/45331/IMG_7934a-900x445.jpg)
雙表情加埋頭盔打開見到瞄準版面,加埋選備嘅膊頭砲大家係咪覺得足夠?睇埋身上啲印刷先尖叫啦!
![](http://www.vjgamer.com.hk/wp-content/uploads/2018/10/09/45331/IMG_792822-900x600.jpg)
左手嘅 004 同右手嘅美國空軍軍機 LOGO 都冇偷雞架
![](http://www.vjgamer.com.hk/wp-content/uploads/2018/10/09/45331/IMG_7953a-900x353.jpg)
絕對懷疑 Wong 嘅 Minifigure 係跟住呢張劇照去設計(笑)
![](http://www.vjgamer.com.hk/wp-content/uploads/2018/10/09/45331/IMG_793a6-900x449.jpg)
無特別嘅表情,配件都只係得 Book of Cagliostro,不過係咪做得太大變左「羅庚」?!
![](http://www.vjgamer.com.hk/wp-content/uploads/2018/10/09/45331/IMG_795a4a-900x458.jpg)
Tony Stark 運動裝造型,雖然冇其他配件,不過都有多個表情
![](http://www.vjgamer.com.hk/wp-content/uploads/2018/10/09/45331/IMG_7957a-900x171.jpg)
雖然睇落套衫平平無奇,但仔細睇你會發現全部都係灰色暗花花紋
![](http://www.vjgamer.com.hk/wp-content/uploads/2018/10/09/45331/IMG_7970a-900x411.jpg)
Bucky (Winter Soldier) Minifigure 同以往最大分別就喺下身,而用色都唔再以黑色為主
![](http://www.vjgamer.com.hk/wp-content/uploads/2018/10/09/45331/IMG_797as9-900x338.jpg)
簡簡單單一支槍仔、兩個表情
![](http://www.vjgamer.com.hk/wp-content/uploads/2018/10/09/45331/IMG_797s8-900x338.jpg)
手臂同電影版黑色主色有所分別之外,都保留返金色紋理
最後提多次,於上述日子到玩具“反”斗城購買任何 LEGO 盒裝玩具滿港幣 $480 就可以換領,記得睇清楚日子啊!