【告別炎夏】少女心靈系探索遊戲《CINERIS SOMNIA》超唯美場景交織人性黑暗面

 

呢排講得動作遊戲多,今日同大家介紹呢隻由日本獨立遊戲工作室「NAYUTA STUDIO」製作嘅 3D 心靈系探索遊戲《CINERIS SOMNIA》。雖然叫做「心靈系」,但遊戲並唔係主打恐怖,而係藉由主角探索過程中遇到嘅角色,去交織出一個無比寂寞嘅故事。

玩家飾演嘅女主角,本來滿心歡喜同家人到海邊遊玩,但在不知不覺中,家人居然失去了蹤影,剩下徬徨的自己獨自在沙灘上面,陽光刺眼得叫人目眩。

 

 

為了找尋家人,女主角開始探索過程,結果黎到一間陳舊的療養院。遊戲中,玩家會遇到幾位角色,包括住喺療養院中養病嘅 Charlotte、天真活潑嘅 Mary、名門千金小姐 Ophelia、以及一身黑衣的謎樣男子;佢地各自代表住唔同嘅謎團,一日唔爆機,你都唔會知故事真正結局會係一個點樣嘅反差。

 

 

遊戲 Soundtrack 以及場景都以唯美風格為主,工作室表示,《CINERIS SOMNIA》想帶比玩家「夢」一樣嘅歷險感受,到底玩家喺遊戲中面對住所有人嘅心理包袱,會有咩野感受呢?所以遊戲中有非常濃厚的空靈感。

 

 

由於係獨立工作室小試牛刀作品,所以目前只對應 Steam 平台,日英雙語字幕。目前做緊新上架優惠,只售 HKD 68.4;就算你連埋 Soundtrack(35 曲入)都只駛港紙一百蚊!

Steam 購買傳送頁

文字或者唔夠具體,不如一齊睇睇下遊戲嘅 Trailer:

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻! https://www.facebook.com/katechengyk

追蹤

Facebook 更多文章