【藝術新玩法】東京都美術館搞名畫《吶喊》展覽・居然同比卡超搞 Crossover!

 

就咁講起「愛德華·蒙克(Edvard Munch)」大家可能一時未必諗起佢係邊個,但係名畫《吶喊(The Scream)》呢幅名畫,相信大家就一定有印象。

話說東京都美術館黎緊 10 月 27 日開始,會舉辦名為《ムンク展―共鳴する魂の叫び》嘅藝術展覽,咁藝術野又關我地呢個網站咩事?其實我地一班編輯一向都好有文化氣息,你地唔知啫!呢個世界上仲有好多野你估唔到嘅,例如,我地點會估到一個藝術展覽,居然會同比卡超 Crossover?

一齊黎睇下《吶喊》原本幅畫先:

 

 

與《Pokemon Card Game》Crossover 後的版本:

 

 

至於如何入手以上限量卡片,就好睇你手氣,因為「比卡超」張卡點拎,官方到而家都保持神祕;至於其他,部份會隨機封入 10 月 27 日發售嘅新 Card Set 以及強化技能 Set 裡面。

卡就難拎啦,不過比卡超以及伊貝做封面嘅 Card 用保存夾就可以喺 Pokemon Centre Online 以及東京都美術館二樓紀紀念品店買到,450円(未税)一個!

活動展覽資訊:
日期:2018 年 10 月 27 日(六)~2019 年 1 月 20 日(日)
地點:東京都美術館 (〒110-0007 東京都台東区上野公園8-36)

預購門券傳送門
前往方法

麻生龍

中二病廢中,打機會自己講野自己笑,鍾意睇機械人動畫,貓世一。

追蹤

更多文章