Ubisoft 將於明年推出，萬眾期待既第三身稱射擊遊戲《Tom Clancy’s The Division 2（全境封鎖2）》會係遊戲推出之前，聯同 Dark Horse Comics 推出官方漫畫《Tom Clancy’s The Division: Extremis Malis》（原文），更詳細咁講述遊戲既故事！

有接觸過《Tom Clancy’s The Division 》既朋友，相信都知道遊戲係故事上面都幾係落足心機，玩家除咗主線故事之外，係唔同地方偵查都會發現城市中所發生既各種故事，當中仲有唔少係互相有關連的。

而係今次既漫畫就係講述美國首都華盛頓受到疫病感染後既故事。係一次任務入面，因為發生咗重大既錯誤導致主角 Caleb Dunne 特工既拍檔被殺，咁憤怒既 Dunne 就發誓一定要搵出殺死拍檔果為神祕女子兇手。但係係追查既過程當中，佢無意中發現一個令國家處於崩潰邊緣既嚴重威脅，身為特工既佢到底會點做呢？

呢套官方《Tom Clancy’s The Division: Extremis Malis》漫畫將會分成三部，第一部預計會係明年 1 月 9 號發售。而係明年 3 月 15 號《Tom Clancy’s The Division 2》正式推出時，Dark Horse Comics 仲會同步推出一本叫做《The World of Tom Clancy’s The Division》既官方設定集，有興趣既朋友可以去搵相熟既美國漫畫店詢問下，而家已經有得訂架啦！