曾經勇奪「Game of the Year」既《The Witcher 3（巫師 3》）都出咗成三年，相信唔少朋友白金都拎埋，但原來遊戲入面有好多隱藏既細節你又知唔知道呢？近日《The Witcher》系列既官方 Twitter 就搞咗個「Witcher Fact」揭祕，當中唔少鮮為人知既細節，頗為有趣。

Philippa Eilhart 用圍巾遮住對眼之前既樣

「Witcher Fact」總數會有 11 回，暫時去到第 7 回。當中有唔少都屬於設定類既資訊，當然亦有遊戲內既隱藏野。其中最特別既就係《The Witcher 3》既世界入面，其實係有鬼船呢樣野存在的。當然《巫師 3》玩家人數咁多，可能有人一早就發現，但係官方 Twitter 下面亦有自稱玩咗成  700 個鐘既玩家都唔知有鬼船既存在，可見遊戲世界之龐大，相信仲有野未被人發現。

Witcher Fact #2

At a specific time of night and a specific location in the waters of Skellige, a ghost ship emerges only for a brief moment. This happens once each and every day. Wanna go ghost hunting? pic.twitter.com/TtllUbp3hR

— The Witcher (@witchergame) October 17, 2018

如果大家都想搵下呢隻鬼船，可以去史凱利傑群島北方海中心位置，大約圖中位置。不過呢隻鬼船純粹係觀賞用，當你去到附近見到隻鬼船之後，無論你點衝都係無辦法掂到隻船的，而且亦都無相關既任務。

官方 Twitter 陸續會更新「Witcher Fact」，當中亦有解釋係「Hearts of Stone」入面，驢仔耳同教授眼鏡點解會有隱藏工具包配方。有興趣既朋友請繼續留意住官方 Twitter 既更新啦！

Witcher Fact #7

Hearts of Stone introduces two vanity items for Geralt: Professor’s spectacles and Ass ears. Late in production we realized that Geralt should be able to wear them simultaneously. That's why there's a recipe for Concealment kit, which merges them into one item. pic.twitter.com/5RZueSggv5

— The Witcher (@witchergame) October 22, 2018