【讀者投稿】《爆裂怪獸》新手入門教學心得

上星期先推出嘅大亂鬥型遊戲バクレツモンスター (爆裂怪獸)》,今日又有新合作開始。

今次係同同廠嘅《白貓 Project》合作,推出三位新角色同新活動關卡。計埋之前嘅POP子同PIPI美有咁多角色抽,而家就教大家點樣開Game之後最快可以攞到20抽啦!


首先同大家講啲基本野先,係版圖上面每移動一格會扣一點體力

因為每步都要消耗體力,所以要謹慎呀!

另外,每支旗其實都係Check Point,俾玩家可以快速移動到唔同地點。(不消耗體力)

有咗傳送點,大家唔駛擔心Miss左之前嘅版圖

地圖上嘅野講完,係時候要教大家點抽角色
大家係完成左教學之後係有一次10+1抽嘅,而且當中會補底必中一隻四星。

基本上大家只要抽中啱自己風格嘅角色就可以即刻開局

抽角色係有兩種方法抽嘅,分別係用魔法石同卷

魔法石就50粒抽一次,而卷就5張抽一次


根據而家仲做緊嘅事前登錄活動入面,首先要做嘅係呢三個任務!
就係玩3次鬥技場喇!只要完成3次鬥技場,就即刻攞到50張券喇!

鬥技場入場方法

呢個係每日都會唔同嘅鬥技場對戰規則,玩家可根據呢啲規則組隊提高勝出機會

呢幾日嘅對戰規則就係咁喇!

跟住落黎仲有呢三個任務
呢三個任務非常簡單,只要係戰鬥中呼喚朋友出黎總共10次,就可以獲得15張券

只要戰鬥中按下圓形所示按鈕就可以召喚同伴~

淨低嘅任務都係非常簡單
分別係:擊敗20個敵人;強化寵物10次;玩家Rank升至5
完成以上任務就已經有總共105張券,夠你可以抽角色20次


另外,由第2日開始到第5日每日登入都會有10張券,合共40張券。
加埋大家每關嘅首次通關獎勵1張券,好快就又可以儲齊夠你黎個10抽!



以上就係我一啲新手心得,而家都仲有兩個合作,希望大家都趕到抽到自己想要嘅角色啦!

Cur特攝

Cur特攝 中意打機,中意特攝,中意英雄,中意玩具,中意玩! 仮面ライダー ウルトラマン 戦隊 ベストマッチ!

追蹤

更多文章