【建設大中華】LEGO 引入中國主題 一月一日正式發售

尋日喺上海開幕嘅中國國際進口博覽會原來 LEGO 係有份參展,而且今日喺會上仲宣佈左會有首批以傳統農曆新年做主題嘅產品喺 2019 年 1 月 1 號於中國同亞太地區發售。

樂高集團首席執行官Niels B. Christiansen (相片來源:LEGO.com)

「呢幾 Set 將會非常獨特,係我地為慶祝農曆新年而創作嘅第一套主題 Set,亦係首次為特定國家或地區所製作嘅套裝。我地希望大家喺新一年入面比到大朋友、小朋友更多嘅歡樂。」樂高集團首席執行官Niels B. Christiansen

相片來源:LEGO.com

暫時喺可公開嘅相片中見到以下年豬年做主題嘅呢兩 Set ,一套應該係表演傳統舞龍(Dragon Dance)、而另一套應該係以年夜飯(Chinese New Year’s Eve Dinner)為主題。當有更多新資料就再同大家報導!

樂高集團官方新聞稿傳送門

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 乜都識少少但係唔怕問唔怕學,周身刀冇張利嘅阿宅!

追蹤

更多文章