有玩《FF15》嘅朋友應該都會記得遊戲中其中一樣露營餐點，是大家甚為熟悉的「日清杯麵」，當時夜晚攻略遊戲時，好多時因為見到王國四基佬喺到食杯麵，搞到我口痕要搵宵夜食。

黎緊 11 月 22 日推出嘅《絶體絶命都市4 Plus》原來都同「日清杯麵」搞 Crossover，嗚呀，聽到之後對人到中女嘅我黎講，簡直係惡夢再臨，我黎打機啫，點解要我鍛鍊埋唔食宵夜嘅意志？

玩家將會喺遊戲中嘅避難所遇上「日清杯麵」，作為救災糧食，日清會於遊戲中設立攤位，提供「原味」「咖哩」及「海鮮」三種口味嘅杯麵比玩家拎走作為便攜食糧（救災都要分口味…），仲會出動雪中送炭杯麵車（見上圖）。

同埋，既然係《絕體絕命都市》，當然亦唔少得「杯麵造型指南針」以及「杯麵形狀避難袋」比玩家用。

玩家於遊戲中仲會得到「日清杯麵」外觀，雖然件 T-Shirt 設計好獵奇（？），但是，如果你有興趣，以下呢件 T-Shirt 你係可以於「日清 Online Store」買得到實物返黎著的。你要買嗎？我不了…

長氣，但講多次，遊戲將於 11 月 22 日發售，對應 PSVR。