【遊戲攻略】《JUDGE EYES:死神的遺言》初心攻略:如何體力全滿都可以照食野

 

有 PS Plus 嘅朋友,相信你地都已經下載咗呢隻《Judge Eyes:死神的遺言》嘅「完整第一章 特別體驗版」,作為遊戲宣傳認真唔話得,呢個第一章除左部份小遊戲及支線未開放之外,玩家可以玩到嘅元素已經有好多。

遊戲中餐廳眾多,不過要完成「全餐廳稱霸」並無想像中咁麻煩,喺未有「空腹藥」呢個藥品嘅時候,玩家於第一章時,其實亦可以解鎖特殊技能「無限胃袋」(需以 5000 SP 換領),咁就算體力全滿,都可以盡情飲食。

 

達成條件:完成好友挑戰「周浩宇」事件
達成地點:劇場前大街「赤牛丸」

 

 

喺「赤牛丸」進食第三次時,會發生「幫手追霸王餐食客」事件(追逐支線)。

成功捉到食客之後,與「周浩宇」對話,會獲得貴重品《秘傳 暴食》;特殊技能「無限胃袋」隨之而開放,有 5000 SP 就可以成功解鎖技能喔!

 

 

對於目標喺遊戲初期就想稱霸天下(?)嘅朋友,強烈建議你遊戲初盤時優先完成「周浩宇」朋友挑戰,絕對有助你之後隨時去推進其他朋友挑戰(例如韓來「松崎文雄」朋友挑戰)以及快速稱霸餐館~

《審判之眼:死神的遺言》即將於 12 月 13 日繁中・日文版同步上架,絕對係黎緊嘅單機遊戲好選擇,我已經準備好迎接遊戲了(笑)如果有其他有趣的攻略,我會再與大家分享,謝謝~

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻! https://www.facebook.com/katechengyk

追蹤

Facebook 更多文章