【唔係叫 6】《Far Cry : New Dawn》發表 延續上集故事 於核爆後求生

 

喺啱啱既 The Game Awards 頒獎典禮上面,Ubisoft 正式發表《Far Cry》系列最新作《Far Cry : New Dawn》(極地戰嚎:破曉)。今次作品並唔係早前大家推算嘅《FARCRY 6》命名,而係使用「New Dawn」呢個名,因為今集係延續《Far Cry 5》世界觀,玩家將會進入核爆後 17年既世界。

 

 

係預告片入面,我地會見到核爆後既希望郡貌似正在慢慢復甦,表面上似乎充滿生機,但係實際上四處都已經係無法無天之地。

今次玩家將面對由雙胞胎姊妹米齊同盧領導既邪惡「攔路強盜」幫派。呢對姐妹係無法律既邊境地區長大,依靠住拾荒、搶掠維生。而家佢地殺到去希望郡,玩家必須幫助倖存者擊退佢地。

 

 

玩家可以係呢個倖存者根據地「繁榮鎮」,作出種種準備。係呢個「基地」玩家可以製作臨時武器及載具,並訓練雇傭兵。隨著遊戲進行,玩家可以升級「基地」以解鎖更強大武器同裝備。同時「基地」亦都係展開「遠征」既起點,「遠征」可以容許玩家到希望郡以外地方進行冒險,當然最主要既目的係搵珍貴既素材啦。

如果有玩過上集,相信一定對遊戲內最主要敵人「聖父」有非常深刻印象。雖然上集「聖父」故事已經告一段落,但係預告片入面開始時段及尾段都似乎暗示「聖父」有機會再臨。不過到底用咩型式出現,呢點令人非常期待。

 

預告片中呢位倖存者手中拎住既眼鏡係咪好熟口面

片尾呢個背影,好明顯就係「聖父」

 

《Far Cry : New Dawn》採用完全開放世界,屬第一身射擊冒險遊戲。遊戲預定於 2019 年 2 月 22 日推出,對應平台為 PS4、Xbox One 及 PC。

 

五木

五木 動漫電玩宅,極愛金田一系列,擅長動作及策略遊戲

追蹤

更多文章