DC 電影系列除左《神奇女俠 Wonder Woman》喺坊間有多少少好評之外，其他都唔多受大家歡迎。《水行俠 Aquaman》喺《正義聯盟 Justice League》初登場之後終於喺月尾(20號)上佢擔正嘅獨立故事作品，相對超人、蝙蝠俠呢啲大家睇到熟晒嘅角色，水行俠話晒都亞特蘭提斯之王，入面咁多角色點都要打定個底先入場嘅！

Aquaman／Arthur Curry 水行俠 亞瑟‧古雷

徐錦江 Jason Momoa飾演嘅水行俠，係漫畫當中出現過兩種起源。第一個係亞瑟同爸爸一齊探險搵到失落的亞特蘭提斯，並且係嗰度生活，亞瑟就係喺呢度學識運用海洋嘅力量同成為水行俠。到左 New52 時期，水行俠嘅設定變為係陸地長大且有亞特蘭提斯血統，修改左佢不能在陸地長時間活動嘅弱點，而且強化左佢嘅能力。水行俠唔再係一個騎海馬，識同魚溝通嘅超級英雄，佢真正成為左一個可以控制海洋嘅王者。相信大家睇完水行俠會更加中意呢個超級英雄。

徐生，乜又係你啊？！

Mera 梅拉

由 Amber Heard飾演，早在《正義聯盟》已經出現過。身為水行俠愛人，未來亞特蘭提斯女王，梅拉本身能力已經很高。能夠控制水嘅形態，密度同硬度，將會係水行俠最大助力！留意返，Amber Heard 嘅 Mera係非常之咁靚(我覺得)，身形又好，所以絕對係看點黎！

個頭咁濕，我好樂意幫你吹返乾個頭架❤

Atlanna 亞特蘭娜

奧斯卡影后 Nicole Kidman 飾演水行俠母親，亞特蘭提斯的女王，因為一次意外而認識水行俠父親 Thomas Curry，兩人旋即墮入愛河，並誕下水行俠亞瑟古雷Arthur Curry。相信亞特蘭娜會係其中一個原因令水行俠去繼承亞特蘭提斯嘅王位。

漫畫版初遇水行俠老竇 Thomas Curry

Ocean Master／Orm Marius 「海洋領主」歐姆·馬略斯

Patrick Wilson 飾演嘅係水行俠同母異父嘅細佬。討厭陸地嘅佢同時討厭有陸地血統嘅哥哥，企圖搶奪王位成為亞特蘭提斯國王向陸地宣戰。佢可以操縱國王所用嘅三叉戟黎引發海嘯同水龍捲。佢都算係水行俠嘅宿敵之一！

Black Manta／David Hydes 「黑蝠魟」大衛·海德

Yahya Abdul-Mateen II飾演嘅水行俠宿敵「黑蝠魟」係一個執意向水行俠及海洋復仇嘅僱傭兵，同時佢亦係一個製造武器嘅天才。根據漫畫，佢係一個陸地嘅人，但因為被綁架上船做苦工，後來向水行俠求救但係水行俠無發現而開始對海洋產生恨意，逃走之後成為僱傭兵同想向水行俠報復。至於電影版佢嘅故事係點，就要留待電影上映先知喇。

《水行俠 Aquaman》將於12月20日以3D版、2D 版及 IMAX版。聽聞睇完外國傳媒都話特技做得超晒班，一定要睇大銀幕IMAX版，大家千祈唔好錯過喇！