2019 年 1 月26 日就係《MHW》推出一周年紀念，遊戲製作人辻本良三剛先生今晚就於 Youtube 上面同大家分享左《MHW》2019 年嘅幾個大型計劃，包括推出免費體驗版、敵人歷戰滅盡龍以及歷戰爛輝龍嘅更新、仲有與 CD Project Red 合作推出《The Witcher x MHW》活動聯乘，以及好多玩家期待左好耐嘅 G 級任 DLC「ICEBORNE」。

首先是歷戰爛輝龍任務「狂亂的黃金鄉」，開放時間為 2018 年 12 月 20 日（時間：8 :00）～2019 年 1 月 4 日（時間：07:59）。任務玩法同之前相近，同樣需要 16 位玩家協力合作，喺佢釋放黃金之前，達到特定條件的話，就能令爛輝龍進入狂暴狀態；擊退狂暴狀態爛輝龍便能得到珍貴報酬。

其次是一周年慶典「星辰祭 感謝之宴」會於 2019 年初登場，詳細內容留待稍後時間會再有詳細公佈。

歷戰滅盡龍將會於 2019 年春季登場，官方提醒玩家唔好對任務掉以輕心，因為歷戰滅盡龍將會「非常難打」；或者係因為普通滅盡龍之前比人話好易打，所以今次正式 Juno 發威？

至於同《The Witcher 3》嘅合作就幾令人驚喜，男主角傑洛特將會黎到新大陸進行狩獵任務，而今次呢個合作仲會嘗試融合《The Witcher 3》以及《MHW》嘅操作系統，到底會係點樣嘅一回事都相當令人好奇。

而最令人期待嘅絕對係獨立付費 DLC《ICEBORNE》，相當於大家熟悉嘅「G 任開放」，將會於 2019 年秋天登場，當然玩家於《MHW》正傳裡面嘅進度都可以繼承落去玩啦！喺 《ICEBORNE》入面，有新地圖、新敵人、新武器防具，各位玩家或者到時候可以正式回坑挑戰！

最後為大家送上《ICEBORNE》嘅 Teaser 片段：