【真人武鬥】《Marvel》系列專用特技替身・Cosplay 玩真人《大亂鬥》超認真!

 

到底《任天堂大亂鬥》嘅人氣有幾高,我諗我真係計算唔到;尋日同大家分享左「美國網友玩《大亂鬥SP》太嘈比鄰居報警投訴,點知差人黎到一齊玩」呢篇世界大同、天下太平嘅趣聞,但係其實《大亂鬥》嘅威力又點止咁樣!

話說《Marvel》系列英雄電影你點都起碼睇過一兩套,而呢系列動作電影背後,當然唔少得一班身手敏捷嘅特技員替身;而有一班曾經出演《Marvel》仲有美劇《Walking Dead》嘅特技演員,最近就超有心機咁樣,搭左個模擬戰場,各自 Cosplay 唔同任天堂角色,利用大家身手之便,索性上演一場「真人版任天堂大亂鬥」!

 

 

呢條由「Legend of Micah」Channel 上載於 Youtube 嘅「真人版任天堂大亂鬥」影片,上載左一日已經有接近七萬點擊率,都未計 Twitter 上面嘅轉分享次數,認真人氣強勁吖!佢地仲要超有心機咁樣,喺影片加埋攻擊特效,令到件事膠得黎又好鬼認真,有喜感之餘,又不得不佩服佢地身手真係唔錯呀下~

講多無謂,各位朋友,我地馬上去片!

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。首本個人塔羅散文今年書展上架:shorturl.at/iDMWY

追蹤

Facebook 更多文章