正所謂高手在民間，街邊塗鴉大家見得多，但係利用郊區路邊石坡上面青苔鏟青鏟出個未來，相信就唔係咁常見！
日本長青電視節目《めざましテレビ》就喺 12 月 25 日報導左呢個位於「埼玉県秩父市定峰峠」嘅奇妙景象，到底係邊位朋友一雙巧手目前仲係不得而知，只不過呢一連串《吉卜力》角色人物就令呢條山路突然成為旅遊景點。
無論係山林中嘅精靈鹿（幽靈公主）抑或路邊嘅龍貓，每一個角色都係大家耳熟能詳嘅動畫角色；藝術分好多種，能夠引起大家注意兼獲得全人類好感認同嘅就真係相當唔簡單，有網友話「能夠製作出不令任何人感到困擾的藝術品」以及「將青苔當畫布簡直係最友善嘅藝術表達方式」，呢一點我十分認同！
埼玉縣並唔算係港人旅遊熱點，所以大家如果無緣份親身一遊，就睇住網上圖片同享歡樂吧～
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。