手遊 MOBA 類型遊戲最受歡迎遊戲《傳說對決》黎到 2019 年走勢仍然強勁，遊戲不停持續更新，定期推出新英雄令玩家保持新鮮感。不過自推出閃電俠之後，新角色全部都係自家創作角色，仲未見有其他聯乘合作角色推出。但係最近《傳說對決》官方 Page 新活動推廣有啲特別，似乎暗示新一輪既聯乘合作活動將活有驚喜比大家！

閃電俠之後好耐都無版權角色加入……

係《傳說對決》台服同埋港澳服官方 Page 都同時間出咗個 PO，預告新一輪既活動。圖中愛麗斯高舉雙劍，並且話「在這個充滿危險的傳說戰場裡，羊咩帶著他的雙刀，準備挑戰各式各樣的試煉，究竟前方又有什麼樣的關卡在等著羊咩呢？」，後面仲有個 Tag #新英雄即將登場，好可疑！

不過……咪住先，雙刀……？

留意二把野既型狀，係咪好熟口面？

咁睇會唔會更熟口面？

無錯，就係《刀劍神域》入面，主角桐人所使用既「エリュシデータ」及「ダークリパルサー」 ，係咪意味住新既聯乘活動係同《刀劍神域》合作？考慮到之前合作既單位係著名漫畫公司 DC，同《刀劍神域》合作亦都並非不可能，當然更多既資訊都係要等官方公布，不過已經令人充滿期待啦！