即將於 2019 年 1 月 25 日推出嘅《Biohazard Re:2》相信係唔少朋友今個年度首隻最期待嘅大作，而官方為左令更多玩家感受到重製版遊戲嘅恐怖威力，決定將於 1 月 11 日（PC 為 12 日）～ 31 日於 PS4 平台上面推出「1-Shot Demo（編輯部譯為：一拳試玩）」，玩家可以飾演 Leon 喺 30 分鐘入面隨意探索 Raccoon City 裡面嘅警察局！

呢個 Demo 之所以名為「1-Shot Demo」原因係佢人如其名，玩家只可以玩到 30 分鐘，喺 30 分鐘限時入面，基本上係無限續命。如果你喺 30 分鐘入面完成 Demo 中嘅任務，就可以利用剩下時間再玩一次！但係半個鐘時間到底夠玩家做幾多野呢？喺高清恐怖之下你嘅判斷又可以幾敏捷呢？

作為遊戲推出前加碼嘅宣傳活動，呢個 30 分鐘限時 Demo 相信係各位朋友不容錯過嘅試玩版；記得 11 號上架！