【Gundam VS】日本玩家成功突邊界 自由於場外發動攻擊

出咗 n 代既 《Gundam VS》系列,雖然隻 Game 節奏越黎越快,但係有樣野就歷代以黎都無變既,講緊既就係限制玩家活動範圍既「邊界」。咁耐以黎除咗頭幾集可以比玩家有限度咁越過條界之外,一直以黎街機版既《Gundam VS》系列條線都好穩固(係 PS4《Gundam Versus》曾經有個 Bug 可以到無限遠)。不過自從《Gundam Extreme Versus》推出後就開始出事,基本上集集都有唔同方法突破條線,而去到最新一集既《Gundam Extreme Versus 2》真係人類總是重複犯錯,又再被玩家成功突破邊界,仲可以係場外自由行動!

 

PS4《Gundam Versus》試過可以飛出場外

 

日本玩家 DELUZO 係最新一集既《Gundam Extreme Versus 2》入面,使用 V 高達入面既機體 ZM-S24G 基托拉夫,即係坐住係車轆入面果隻野。期間利用不停上升既招式,上升到場上空既邊界後,不停橫向移動尋找邊界裂縫,最後當然比佢成功突入!而且落地後可以係場外自由移動,亦都可以射返入場攻擊敵機,而係片段中敵人雖然都可以攻擊到場外機體,不過就完全唔洗驚比對手用格鬥攻擊,非常之有優勢。

 

 

相信呢個 Bug 好快會被修正,但係香港就仲未有《Gundam Extreme Versus 2》玩,如果近排去開日本既,有時間都可以去體驗一下,不過奉勸大家唔好挑機果陣做……對戰玩 Bug 因住比人鬧阿……

五木

動漫電玩宅,極愛金田一系列,擅長動作及策略遊戲

追蹤

更多文章