【千奇百趣】公主隻狗唔係模組而係 JPEG 貼圖《Ace Combat 7》背後理由有洋蔥

 

最近備受不少玩家熱捧嘅《ACE COMBAT 7》係一隻頗為出色嘅射擊遊戲,日本當地推出之後一斷賣斷市,於歐美亦取得唔錯嘅成績。

不過, Twitch 直播主 Patrick Boivin 早前就發現,《ACE COMBAT 7》裡面公主出場時段動畫,企喺公主身邊嘅狗狗,睇真啲,點解唔會郁嘅?由於《ACE COMBAT 7》今次於人物模組細緻度上面落足功夫,所以當其他角色都有靈活動作時,隻狗一動也不動,馬上獲得好多玩家注意。

就係呢一幕:

 

 

無玩過遊戲嘅朋友唔緊要,有玩家將呢一段動畫擺左上 Twitter:

 

 

呢件事馬上喺玩家之間傳開,甚至有玩家話「為左呢一幕要入手《ACE COMBAT 7》」,網路上面亦出現「點解動畫裡面可以用 JPEG 貼圖?好唔專業」以及「官方係咪搞緊 Gag?」等等唔同聲音;大家最後都不約而同以「JPEG 狗」黎形容呢個畫面。

咁真實到底係點解?

《ACE COMBAT》系列製作人河野一聡先生見到網上討論熱烈,終於出黎解畫。

 

其實隻狗狗喺大家玩到遊戲嘅時候已經離世了。河野先生話好高興可以藉呢個方式,令到世上咁多人都見到狗狗嘅身影,亦都多謝狗狗一直嘅陪伴以及付出。

……無諗過原因有洋蔥 O_Q

最後為大家送上遊戲 Trailer。知道呢件事之後,突然對遊戲多左一分傷感 O_Q

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻! https://www.facebook.com/katechengyk

追蹤

Facebook 更多文章