【突然無咁驚】各地朋友熱玩《Biohazard RE:2》激纏人 Mr. X 變成 Meme 素材

 

如果你近日攻略緊《Biohazard RE:2》,相信你都會明白 Mr. X 呢個大舊衰到底有幾煩同埋幾纏人,唔係話佢特別恐怖,而係佢每次接近時啲動作同埋腳步聲,加埋幽黑環境,實在令人好有壓迫感!

由於 Mr. X 你用槍打頭都只能夠打停佢,Ada 用車撞佢搵火燒埋佢都唔死得,呢個咁強大嘅敵人到底可以點樣面對?

答案,係 Meme。

 

 

以上張圖睇唔明?唔緊要,總之,大家見到 Mr. X 嘅時候,唔想自殺嘅話就惟有走佬,呢種玩法啟發左好多外國玩家將 Mr. X 變成萬用 Meme 素材,睇完之後我除左笑,就係覺得今晚開 Game 見到佢都覺得無咁乞人憎,一齊去片!

 

 

無錯!係責任呀哈利!逃避 Mr. X 就好似我地逃避現實咁,呢個 Meme 我覺得值得比 10/10 佢。除左呢個,仲有以下分享:

 

 

如何利用 Mr. X 黎做 Meme 變成國外玩家於 Reddit 以及 Twitter 上面嘅新玩法,大家為左 Cap 到 Mr. X 嘅靚圖黎整 Meme 結果花費左好多時間黎特登同佢玩追逐戰,真係估唔到大家得閒到咁

不過《Biohazard RE:2》作為一隻超有誠意又好玩嘅新經典遊戲,會成為話題都絕對係意料中事,無論係玩過原版嘅舊玩家,抑或慕名入坑嘅新朋友,相信都唔會否認呢個遊戲各方面都做得好足;遊戲於 1 月 25 日推出,截至 28 日全球已賣出超過 300 萬隻,相信銷售量黎緊仲會不斷上昇。

寫完呢篇文,今晚返去見到 Mr. X 突然覺得有啲 Warm 添!

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻!

追蹤

Facebook 更多文章