【魔動槍 發射】LEGO Ideas 40cm高《魔動王》地隱俠靠你撐

我地細個睇無記亞記卡通大嘅,基本上對《魔動王》呢套動畫一啲都唔會陌生。雖然當年播完晒之後,除左 OVA 之外《魔動王》都冇再出過續作,但玩具產品呢 30 年嚟出完又出再出復刻都仲有同好收藏,而且今年正好係《魔動王》 30 週年,唔單只一大推產品會再湧現,就連 LEGO 創作者當中都有唔少嘅愛好都出返分力。

向來砌開場景同建築嘅 Joe Lam ,上年年中一對雕像級柯柏文、麥加登之後一直未見新機械人作品。點知風向一轉,由歐美一跳就跳返去日本,仲要出隻可變形版本地隱俠放上 LEGO Ideas 度收集支持希望可以量產。

唔好以為《魔動王》嘅機體好似冇乜特別嘅變形結構, Joe Lam 自己都講到要維持人形同頭形兩個分別嘅比例已經好頭痛,而且地隱俠膊頭同頭冠都有好多紋理,喺只用組件去製作嘅情況下係相當有難度。當然 Joe Lam 用左一個月時間就解決到以上嘅問題,並且完成呢隻接近 40 cm 高嘅地隱俠。

如果你都想比個支持 Joe Lam 呢隻地隱俠嘅,快手去下面嘅 LEGO Ideas 傳送門比個支持,有大家嘅一票可能真係會喺《魔動王》30 週年期間見得到呢隻地隱俠入選評審!

LEGO Ideas Mado King Granzort 地隱俠 Support 傳送門 

 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enought! Lego Enthusiast https://goo.gl/HRnxDW

追蹤

更多文章