【免費教學下載】LEGO Technic大改造 工程車變身科普教學工具

好多 LEGO 產品有教育意味呢一點應該好多玩家都知,LEGO Technic 呢個系列本來原意就更係想將一啲複離嘅機械設定簡化變成玩具去比年青人可以簡單了解,不過隨住時代變遷,呢個理念好似越嚟越薄弱。

不過最近比我發現荷蘭有間製作公司叫 PV-Productions 嘅網站,主要賣嘅實體產品得三樣,1.4 cm嘅波波Power Functions 用到嘅第三方 UV LED 燈條同埋風箏線。除左條燈條好似同 LEGO 有啲關系之外,好聽落佢啲產品係咪有啲九唔搭八,完全唔知佢搞啲乜呢?其實 PV-Productions 係主力將 LEGO Technic 系列產品大改造,改成大型運球裝置 Great Ball Contraption(GBC) ,類似好似下面片中嘅作品。再將設計圖紙賣比大家用,當然佢設計得嘅圖就當然配合佢地生產嘅波先順暢啦!


雖然佢地專搞 GBC,不過最近佢地就將兩件同科普教育有關嘅作品製作圖免費比大家使用,一個係將 42082 Rough Terrain Crane 變成走馬燈裝置,而另一份免費圖紙就係將 42055 Bucket Wheel Excavator 呢隻龐然巨物變成萬花尺。


雖然實會有玩家覺得兩件咁大型嘅工程機械 Set 變成啲科普教育工具好似唔太乎合經濟原則喎,但喺另一角度諗,免費儲多張圖紙又有教育意義,砌完原 Set 再比小朋友玩下又係另一份樂趣嚟嘅!

PV-Productions AMOC 走馬燈製作書下載傳送門

PV-Productions AMOC 萬花尺製作書下載傳送門

阿九

打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast //goo.gl/HRnxDW

追蹤

更多文章