推出市面已經好一段時間嘅 JRPG 遊戲《二ノ国II レヴァナントキングダム（二之國 II 王國再臨）》黎到 2018 年嘅今日，同《Octapath Traveler 八方旅人》一樣，中文化都仲係未有消息……

而各位玩日版嘅朋友，雖然唔知你地 PS4 入面 Delete 咗遊戲未，不過佢終於推出第二彈 DLC「魔法使いの本」啦，預計 2019 年 3 月 19 日上架，單售價 1,500円（税別），有 Season Pass 朋友可到時直接更新遊玩。

「魔法使いの本」時序約為正傳遊戲第五章左右，喺呢個全新章節入面，玩家可以知道更多有關「魔瘴氣」之所以令到所有國王發狂嘅真相；同時，會深入遊戲入面幾位角色嘅背景故事；而新角色「案內人」目前仲係謎團重重，只知道佢係今次呢個章節嘅關鍵角色。

同時 DLC 會新增名為「極意」嘅戰鬥形態，以及闘技場「パンドラナイト」，鍾意高難度嘅朋友可以挑戰返。

目前未有相關影片可以參考，同埋《二ノ国II》至今未有中文化真係好可惜，而推出每個 DLC 之間嘅時間都真係隔太耐了……。為左呢個 DLC 我會重新裝返個遊戲一探究竟，希望作為遊戲最後一個 DLC，能夠完美作結吧～