還記得當年 LEGO Dimensions 系列出《超音鼠》嘅 Level Pack 嘅時候,世界各地不論電玩定 LEGO 玩家都驚嘆不已。不過可惜 LEGO Dimensions 呢個系列英年早逝,出得一盒就冇下文。
但前幾日有個新嘅投稿者 toastergrl 製作左以下嘅《超音鼠》經典場景 Green Hill Zone,用件都唔多,只係 612 件就砌得起,而且短短三日就有二千個玩家衝出嚟支持,似乎大家都好想 LEGO 反正有出過《超音鼠》產品,唔好浪廢呢個 IP 出返多比大家玩。
![](http://www.vjgamer.com.hk/wp-content/uploads/2019/02/27/51108/asggh-900x372.jpg)
對比之下係咪啲回憶返晒嚟先?!
![](http://www.vjgamer.com.hk/wp-content/uploads/2019/02/27/51108/6124762-sonicmanialegoideas_02-thumbnail-full-900x506.png)
Sonic 就本身有 Minifigure,Dr. Eggman 就用件砌出嚟,不過就好似唔見隻松鼠仔 Tails
![](http://www.vjgamer.com.hk/wp-content/uploads/2019/02/27/51108/6124767-sonicmanialegoideas_03-thumbnail-full-900x506.png)
場景仲可以比玩家任意配搭
![](http://www.vjgamer.com.hk/wp-content/uploads/2019/02/27/51108/6124771-sonicmanialegoideas_04-thumbnail-full-900x506.png)
仲有啲小機關扮返遊戲中嘅跳台
![](http://www.vjgamer.com.hk/wp-content/uploads/2019/02/27/51108/6124776-sonicmanialegoideas_05-thumbnail-full-900x506.png)
Dr. Eggman 巨型機械人
![](http://www.vjgamer.com.hk/wp-content/uploads/2019/02/27/51108/6124787-sonicmanialegoideas_07-thumbnail-full-900x506.png)
真係可以比 Dr. Eggman 坐入去架!
話就話好多玩家都投左票比 toastergrl 嘅呢個 Sonic Mania – Green Hill Zone ,不過仲離一萬票有啲距離。如果大家都想佢量產,記得去下面嘅傳送門投個票比個技持佢啦!
Sonic Mania – Green Hill Zone LEGO Ideas 傳送門
![](http://www.vjgamer.com.hk/wp-content/uploads/2019/02/27/51108/6124797-sonicmanialegoideas_09-thumbnail-full-900x506.png)