《PUBG》、《Tera》開發商全新作品 《Mistover》隊員只有一條命!

《PUBG》應該無人唔知咩黎,而《Tera》呢隻 Online Game 亦曾經紅極一時。製作呢二款遊戲既 KRAFTON Inc.(亦即係藍洞),近日就正式公開佢地會推出一款全新遊戲《Mistover》,最特別既地方係每位隊員都只會有一條命,真正係生命無 Take 2!

 

 

《》屬於迷宮探索型回合制 RPG,同其他迷宮類型遊戲相似,玩家每次進入迷宮都會隨機變動。除咗迷宮會轉之外,本作仲會有阻擋玩家視線「霧」,加強探索上既難度。而遊戲故事簡單講就係有個漩渦突然放咗班怪物出黎,殺人類一個措手不及,好快就面臨滅絕危機,點知奇蹟突然間發生,班怪物無啦啦消失晒,咁為咗防止同樣既事情發生,人類就組織咗個叫「軍團」既團體,反攻入漩渦,揭露事件背後既秘密。

 

 

上面都講過,本作最特別既地方係每位隊員都只會有一條命,一旦角色死亡,就無得再復活。呢啲隊員代表住八個職業,玩家需要通過呢八個職業相互合並且制定戰略,建立一支適合你風格既軍團,當然大前提下你唔好整死啲隊員啦。

 

 

 

另外根據官方講法,係旅程中玩家將需要斷處理「滿足」及「貪婪」之間既內部衝突,似乎有人性既要素係入面,呢點亦都幾吸引下。

 

 

進一步既消息就要等月尾既「PAX East 2019」同埋 4 月日本既「NicoNico 超會議 2019」,到時會公開遊戲最新情報內容,而且佢仲計劃推出 Demo 體驗版添!

《Mistover》推出日期未定,對應平台為 Nintendo Switch 及 PC,另外根據 Steam 上既資訊,本作會支援繁體中文。

五木

五木 動漫電玩宅,極愛金田一系列,擅長動作及策略遊戲

追蹤

更多文章