【最強挑戰者】Google 正式進軍遊戲業 新「主機」今年登場!

近呢十年主機市場都係「三分天下」,即係 PlayStation、任天堂同 Xbox 主導晒,不過今年呢個情況好有可能轉變,因為地上最強既挑戰者「Google」正式參戰!今日 Google 正式係 Game Developers Conference 2019 上面發表新「主機」,不過我就覺得應該叫做「遊戲服務平台」更貼切,因為其實係一整套遊戲串流服務黎!

 

新平台叫做「Stadia」,基本上係一套雲端串流服務黎,透過手機、平板、PC、甚至插咗 Chromecast 既電視都玩到。根據演說內容,Stadia 初推出時已經支援 [email protected] 畫質,之後仲會升級到 [email protected]。當然大家第一樣關心既就係「全部用雲端,會唔會 Lag 爆」,佢地就有提到會透過 Google 係世界各地既數據中心去處理,確保玩家們擁有無延遲既遊戲體驗(聽住先啦)。而且亦都會同顯卡巨頭 AMD 合作,用新既晶片去處理數據,務求要大家玩得順暢。

 

 

硬件上睇落去似樣,實際操作又係點?

係演說中,用咗《Assassin Creed Odyssey》作為演示。大家可以係觀看 YouTube 片段中,點擊連結「Play Now」就得,成個過程聲稱唔需要 5 秒鐘,連 Download 都唔洗,如果正式推出時都咁勁的話,應該又係用咗黑科技。

而最利害既就係 Stadia 有類似 Nintendo Switch 既即時轉換功能,即係本身你用 [email protected]  玩緊,然後你可以直接轉到 [email protected]手機玩,係無縫連接進度,非常利害!

 

 

 

 

如果要用手機玩 Stradia,就要使用專用控制器「Stadia Controller」,需要連接 Wi-Fi 使用。同一般手制一樣,都係基本八鍵(唔計 Start Select) + 十字制 + 二粒冬菇 + Headphone Jack。另外仲有二粒功能鍵,一粒係「Capture」即係 PS Controller 上面既 Share,用黎 Cap 圖或者 Share 片去 YouTube;另一粒係「Google」,類似 Siri 咁,即係你卡關既時候問佢,就會自動幫你搵答案。

 

 

當然做得遊戲服務平台,有咩 Game 先係最重要果 Part,首隻於 Stadia 上推出既遊戲將會係《Doom Eternal》,將支援 [email protected] 畫質及 HDR。同時 Google 仲會特別創立一間叫做「Stadia Games Entertainment」既遊戲公司,據稱已經提供咗超過 100 套 Stadia 開發套件比唔同既工作室,佢地將著力「移植」現時既遊戲落 Stadia 上面,而且亦都講到明佢地既遊戲會支援跨平台遊玩。不過具體有咩廠商、遊戲加入就未有透露。

 

「Stadia」將於 2019 年內推出,先會係美國、加拿大、英國、歐洲地區推出,而收費同確實推出時間就要等之後公布。

 

五木

五木 動漫電玩宅,極愛金田一系列,擅長動作及策略遊戲

追蹤

更多文章