【勁到原作者都想要】LEGO版《愛·死·機械人》得意機械人 K-VRC 你都可以擁有

Netflix 上左冇幾耐嘅原創影集《愛·死·機械人 (LOVE DEATH + ROBOTS)》呢一個 18 禁嘅影集系列,但完全俘虜晒所有觀眾嘅心。雖然大受歡迎不過就暫時未有續季嘅消息,而且亦未有相關產品會出售,但係嚟自菲律賓嘅 LEGO 創作者Lu Sim aka MessyWorks 早幾日就已經用 LEGO 砌起左其中好《三個機器人 (Three Robots)》故事中最得意嘅 K-VRC

K-VRC by Lu Sim

Lu Sim 向來用 LEGO 件砌機械人都出晒名,就咁睇大家都見到 K-VRC 嘅活動性極高,用嘅組件比已往嘅作品都少,但係玩味同可愛度就爆晒燈,配埋多個唔同嘅表情,大家見到都話好想擁有佢。就連《三個機器人 (Three Robots)》其中一位導演 Alfredo Torres 都特登去佢個人網站度留言覺個呢個 LEGO 版本正到不行!

不過大家都知我好少因為一件勁嘅作品而介紹比大家,再勁嘅作品大家睇完哇完咪最多比個 Like & Share,今次講得比大家聽梗係有唔同啦!其實 Lu Sim 已經著力開始製作緊 K-VRC 嘅製作書,預計最遲 4 月就會開賣,而佢都講到明今次都只係象徵式收少少費用,所以大家好快就可以擁有咁得意嘅 LEGO K-VRC 。

最後我仲好榮幸得到 Lu Sim 暫時都仲係絕密嘅 K-VRC 製作書部份嘅圖片,如果你都想砌返隻 K-VRC 送禮自用嘅話,咁就要留意住MessyWorks Facebook Page 同埋佢嘅個人作品網頁啦!


最新更新:K-VRC 製作書已經可以喺 Lu Sim 嘅個人作品網站買得到,只係用左 179 件組件就可以砌起隻 K-VRC,所以記得去下面嘅傳送門買啦!

Lu Sim MessyWorks 個人作品網站傳送門

阿九

打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast //goo.gl/HRnxDW

追蹤

更多文章