唔知點解係 Nintendo Switch 上面成日都有啲高質素動作遊戲，黎緊除咗《Cuphead》之外，仲有隻叫《Grave Keeper》既動作遊戲都值得留意。睇落去畫風幾得意而且感覺唔錯，相信係值得一玩既。

《Grave Keeper》類似《Diablo》咁玩，都係採用俯視角度。係本作玩家將扮演一位賞金獵人，為咗奪寶勇闖被骷髏王佔領既禁忌要塞。遊戲內會有一般既任務、每日任務等等，場景就有 8 個，而可供收集既道具裝備有 110 件。敵人種類就似乎比較少，只有 14 類敵人當中包括惡魔、骷髏同喪屍。另外就有 9 隻 Boss 同骷髏王。

遊戲除咗一般模式之外（單人遊玩），仲會有對戰模式同王室戰爭模式，內容就唔算好多，不過睇落就幾過癮。《Grave Keeper》將會於 3 月 29 日先於 PC Steam 推出，然後會係今年第二季係 Nintendo Switch 上發售。