【勁到可以入X-Men】超能力動作遊戲《CONTROL》 實機演示原來幾 OK !

仲記唔記得上年 E3 果陣,公布咗一隻以超能力戰鬥掛帥既動作遊戲《CONTROL》(狂燥) ,當時睇完條片就有種「唔知想點」既感覺,加上同期大量大作公布,呢隻遊戲相對地無乜人留意。相信因為臨近 Pax East 遊戲展,最近官方就放咗條《CONTROL》實機遊玩預告片出黎,睇落原來又幾 OK 咁。

 

 

《CONTROL》由 Remedy Entertainment 推出,該廠曾推出《Max Payne》、《Alan Wake》等作品。係今次既新片入面,演示咗遊戲既戰鬥場面同基本故事背景。故事暫時黎講都有好多未知既地方,淨係知道玩家會身處一座巨大既神秘建築物,入面似乎進行緊恐怖實驗,為咗生存女主角就要打出去……咁上下野。

 

 

而戰鬥方面,主角會有一把可變型既手槍作為主武器,呢把武器每個型態都可以分別升級。而主角仲會有多種超能力輔助戰鬥。係影片中見到超能力種類有:飛行、隔空控制物件(原力取物咁)、心靈控制、防護盾等等,咁鬼勁其實係咪應該可以入到 X-Men?

 

超能力:飛行

超能力:心靈控制

超能力:隔空控制物件

超能力:防護盾

槍可變型為四個型態

四個型態可分別改裝

似乎有大型 Boss 打

 

 

《CONTROL》預定於今年 8 月 27 日上市,對應平台為 PS4 / Xbox One / PC,而 PC 版本將由 Epic Store 獨佔 1 年。

五木

動漫電玩宅,極愛金田一系列,擅長動作及策略遊戲

追蹤

更多文章