今日四月一日愚人節，各大遊戲廠商依照慣例都會出啲野去賀下佢咁，而業界大廠之一既 Capcom 又點會無動作呢！佢地係今日就推出咗隻以經典射擊遊戲《1942》為藍本，再用《街霸 V》新角色「G」黎做控制角色既「一日限定」遊戲《2019 World President Challenges A STG》！
遊戲以《街霸 V》新角色「G」黎做控制角色，玩法就極為簡單，只需要控制角色左右移動，以及放炸彈時機就 OK，射擊制就並無設置，因為係 Auto Fire 的。基本射擊只有三種，初始直線射擊、3-way、同埋有貫通屬性既 Big Shot。遊戲雖然簡單，不過係細節位盡見心思，例如係《街霸 V》入面「G」既 V-Skill 「G Barrier」係呢隻遊戲就會變成保護罩；炸彈就叫做 CA（超必殺技）等等。
第2關爪仔個場，背景係鐵絲網，連啲小兵都係爬爬下，好得意
CA 既畫面，留意下背景個舞台係咪好熟口面
四個人入面，個人感覺爪仔做得最正
《2019 World President Challenges A STG》總數有四關，分別由傳統四大天王鎮守，而每關都會用返該角色相關元素，好得意。遊戲中亦有隱藏關卡，只要玩家係無續關情況下，打到去最後一關 Boss 位置，豪鬼就會突入取代原 Boss 司令，大家可以挑戰一下。
泰皇都有三招的！
隱藏 Boss 「豪鬼」
用 CA 打死係有返特別畫面的
遊戲解說 Poster 做得勁正！
《2019 World President Challenges A STG》傳送門
VJGamer總編，細細個已經蒲機舖，機齡甚深，熱愛電玩文化。