【唔想追靜香】發售日公開《多啦 A 夢 牧場物語》6 月上市!超治癒系遊戲 Switch 限定

 

公佈以來一直備受各年齡層玩家關注嘅《多啦 A 夢 牧場物語(ドラえもん のび太の牧場物語)》,今日正式宣佈發售日為 2019 年 6 月 13 日,對應平台為 Switch,由 Marvelous Inc. 製作、BROWNIES 開發、並由 Bandai Namco 發行。早期購入嘅朋友可以獲得特典「大雄房間套裝(のび太の部屋セット)」,遊戲售價為日元 6,100円(未連稅)。

 

特典「のび太の部屋セット」

 

故事背景為大雄一行人意外黎到另一個世界,因為一時三刻搵唔到方法返屋企,所以就一路幫助村莊成長,一路於故事中尋求回家嘅方法。

遊戲玩法同以往嘅《牧場物語》類似,玩家操作《多啦 A 夢」嘅角色群去維持牧場運作,除左種米養牛,仲可以釣魚捕蟲,本意係令玩家感受「慢活」生活態度……

不過,因為有多啦 A 夢加盟,所以玩家可以利用佢嘅百寶袋道具快速收成農作物 LOL

 

 

遊戲由畫風去到玩法都充滿治癒感,相信呢隻遊戲會係 6 月份超強大 Hit 作品!想獲得「大雄房間」特典嘅朋友記得及早預訂遊戲喔!

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻!

追蹤

Facebook 更多文章