【受 2B 啟發?】畫面極靚極細緻動作遊戲《Project EVE》機械人少女地球奪還戰

 

韓國遊戲工作室 SHIFT UP 今日發表全新 3A 大作《Project Eve》,官方以「次世代家用機遊戲」黎形容呢隻作品,預計登錄平台為 PS4、XBox One 以及 Steam,發售日期未定。

《Project Eve》由 SHIFT UP 社長金亨泰擔任監督,遊戲目前公佈資訊唔多,故事講述遙遠未來嘅地球被外星人侵略,人類為左逃亡而避走外太空;為左奪回地球,唔少人類士兵已經犧牲咗,於是人類派出機械人兵器少女降臨,希望展開地球奪還戰。

遊戲為一隻半開放世界嘅單機動作 RPG。

 

 

有玩過幾年前遊戲《Nier: Automata》嘅朋友,或者會覺得以上故事背景耳熟能詳,海外唔少網友雖然為遊戲高質畫面感到驚嘆,但係,亦同一時間發出與我相似的疑問。

 

 

嗯,遊戲一日未正式推出,都好難定斷佢有無參考其他作品,不過官方公佈嘅一條 Announcement Trailer 的確成功引起注意,因為片段中細緻嘅畫面展現實在令人心折!

至於女主角嘅模組造工固然精細,不過面相帶住濃濃韓國風味,玩開日系遊戲嘅朋友或者會感受到當中微妙嘅分別。

 

 

《Project EVE》目前尚在初步開發階段,工作室目前只有 10 位人手去製作遊戲,所以佢地仍然招募緊工程師等專業人士加盟團隊去開發遊戲,據說目標為 100 位成員……所以,幾時會有遊玩片段面世,就讓我們悉目而待吧。

 

 

最後送上遊戲 Trailer:

 

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻!

追蹤

Facebook 更多文章