【另類樂趣】遲遲未更新居然仲有呢個玩法《Anthem》砌人砌出寵物小精靈

 

於 2019 年 2 月 22 日推出嘅《Anthem》雖然事前備受玩家注目,不過,相信時至今日,大部份朋友都有個疑問就係「點解仲未有新遊戲元素關卡解禁或者更新」,而「掉落率」問題亦一直未有理想修正。

同時,《Anthem》早前亦流出唔少負面消息,例如係內部開發團隊員工表示工時過長,引發嚴重過勞問題,亦令到海外唔少網友關注。

加上 3 月份大作如《Division 2》以及《SEKIRO 隻狼》紛紛上架,種種原因,都令到唔少玩家對於《Anthem》熱情冷卻。

不過,國外仲有批朋友熱烈地玩緊《Anthem》。既然未有更新,咁仲有乜野新鮮野值得玩呢?我地一齊黎睇下……

 

來源自 Reddit

來源自 Reddit

 

無錯!就係玩外觀改裝!玩砌人!近日喺 Reddit 上面就見到有玩家分享自己嘅角色外觀,熟悉《Pokemon》嘅朋友或者見到以上圖片已經會心微笑。

的確,《Anthem》嘅捏人系統做得幾好,因為佢各個位置嘅配色同埋材質都能夠由玩家自訂,所以無論係《Pokemon》或者其他作品角色,果然有心同埋好得閒就能夠做得到!

不過一個射擊遊戲重點始終唔可以淨係靠個捏人系統,《Anthem》於 4 月 18 日將會公佈新故事版圖「The Sunken」嘅詳細,而 5 月則會推出新活動「The Cataclysm」。唔知道各位玩家仲會唔會到時回坑呢?

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章