外國玩家還原《隻狼:暗影雙死》被刪減資料 治療龍咳引發新劇情對話

有玩《隻狼:暗影雙死》既朋友,相信都唔會對「死」呢樣野陌生。當大家死到一定次數,NPC 就會患上「龍咳」,要救佢地就需要係鬼佛度用「龍胤之露」(據聞有唔少人都誤啪呢舊野)。不過原來最初遊戲既設定並唔係得一種方法救佢地,而且仲會引發特別對話,最近就有外國玩家公開咗相關既資料。

 

 

《隻狼:暗影雙死》遊戲中死亡會扣一半錢同經驗,然後就可以係對上一次坐過既鬼佛重生。不過係遊戲設定上面,死亡後復生係依靠「龍胤」呢種力量先做得到,而每次復生都會奪走某位 NPC 既生命力,令佢地有機會染上叫做「龍咳」既病。如果呢個時候再同返該位染病既 NPC 對話,內容將會產生變化。

 

被刪除既遊戲介紹

 

而外國玩家 Lance McDonald 就透過修復被官方刪除既代碼,發現原來最初治療「龍咳」並唔係得一種方法,玩家可以請求藥師英麻製作一種叫做「龍胤之丸」(Dragonrot Pellets),然後個別向每位身患「龍咳」既 NPC 使用,將引發正常遊戲中並無收錄既對話,當中給予「少主守護鈴」既老婦同道順會有新劇情對話,有興趣既朋友可以睇下面條片。

 

 

《隻狼:暗影雙死》已經推出,對應平台為 PS4 / Xbox / PC。

 

五木

五木 動漫電玩宅,極愛金田一系列,擅長動作及策略遊戲

追蹤

更多文章