雖然 PS4 遊戲《Spider-Man》推出已經一段時間，但係遊戲中原來仲有彩蛋未被玩家發現！

話說《Spider-Man》嘅系統程式設計工程師 Elan Ruskin 早在舊年 11 月份已經喺 Twitter 上面暗示過以下呢個彩蛋，但係一直大家都係得個估字，網路上一直無玩家揭露呢個小彩蛋。

I wonder if anyone has noticed the easter egg we put in for these guys yet…#SpiderManPS4 pic.twitter.com/yAZ0wbLtKM

— Elan Ruskin (@despair) November 17, 2018

然後，去到上星期，Elan 終於忍唔住自己喺 Twitter 爆響口。喺遊戲入面，玩家可以操控 Spider-Man 喺紐約街頭行走，呢個時候，好多路人 NPC 會出現同你打招呼、要求合照或者擊掌等等互動；咁紐約係一個多元城市，有各式各樣嘅人，例如猶太教信徒。

猶太教信徒每星期都有「安息日」，而佢地嘅安息日為星期六，呢個係宗教習俗黎的。

如果玩家遊玩《Spider-Man》時正值你身處地方嘅星期六（按你 PS4 所顯示嘅時間既定），上圖中嘅猶太人就會不見蹤影！就算星期一至五啲猶太教 NPC 都出現喺某一個地方，只要你係星期六入 Game，佢地就會唔見左！

唔少玩家喺 Elan 講完之後先至恍然大悟，紛紛覺得工作室連 NPC 都有咁細心嘅設定真係值得令人鼓掌咁話。唔知大家知道呢個彩蛋之後，今個星期五六又會唔會開返《Spider-Man》黎搵下呢個彩蛋呢？