【另類成就】《Minecraft》官方團隊完美重現《薩爾達傳說:曠野之息》海拉爾城

 

2017 年最佳遊戲《薩爾達傳說 曠野之息(ゼルダの伝説 ブレス オブ ザ ワイルド)》雖然已經係兩年前嘅作品,不過各界對於呢隻出色經典作品依然熱情不減,海外仲係有唔少朋友不斷鑽研遊戲中各樣攻略及彩蛋,亦有朋友以其他方式向呢隻作品致敬。

同樣地係另一隻實力作品嘅《Minecraft》,佢地有一個長期合作設計伙計「Team 京」;而「Team 京」今次就利用《Minecraft》將《薩爾達傳說 曠野之息》裡面嘅海拉爾城(ハイラル城)從外到內重現出黎!

 

 

其實喺《薩爾達傳說 曠野之息》裡面,Link 醒返嘅時候,海拉爾城受到災厄蓋儂(厄災ガノン)佔據,所以外觀受到不少破壞;所以「Team 京」決定將王城還原。

今次呢個還原計劃一共耗時接近 2 個月時間,動用 13 位人手,一邊仔細觀察遊戲中王城設定,一邊利用《Minecraft》去重建,仲要連王城裡面微細嘅事物都一拼設計埋,例如係薩爾達公主嘅房間、研究室等等,真係非常有心思!

想全方位睇哂佢地嘅還原,請大家馬上去片:

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻!

追蹤

Facebook 更多文章