《Persona 5》正統續作《Persona 5 The Royal（P5R）》正式公佈發售日期，將為 2019 年 10 月 31 日，對應平台為 PS4！

《P5R》以秀盡學園第三學期作為故事背景，事前一直保持神秘嘅新角色，名為「芳澤かすみ」（聲優：雨宮天），外型特點係紅髮馬尾。芳澤由中學時期開始就係體操界注目新星，《P5R》入面，佢因為某個原因轉校到秀盡學園，似乎對男主角非常感興趣。

而佢亦即將會有「變身」嘅一面，只不過，佢對於「怪盜團」嘅做法好似唔係咁認同，是敵是友，似乎仲係有好多謎團。

另一位新角色就係將會擔任遊戲中「顧問官」身份嘅「丸喜拓人」（聲優：日野聰） ，自從秀盡學園於 4 月份開始發生一連串事件之後，丸喜就黎到學校擔任駐校社工（呢個設定……）。官方形容丸喜喺遊戲中係「怪盜團新嘅幫手」。

當然，舊有角色亦會繼續維持佢地一向嘅作風，例如明智，佢繼續會見人就問「你對怪盜團有咩睇法？」

既然話係《P5》嘅加強版，當然唔會淨係加新角色咁少新意，仲會有新地圖解鎖、新地城、新小遊戲等等要素，務求要玩家同主角一齊感受一個豐盛嘅「第三學期」。

最新正式版 PV 去片：