冒險家管理者《Swag and Sorcery》 經營村莊打敗魔王

育成類遊戲一直都有大批擁躉支持,最近又有一隻幾得意既育成遊戲推出。今次介紹既呢隻遊戲叫做《Swag and Sorcery》,由曾經製作《Graveyard Keeper》而名噪一時既 Lazy Bear Games 製作。玩家將會擔任一位管理者,經營村莊及冒險者隊伍,以尋找國王遺失咗既……西裝為目標,幾咁偉大!

 

 

遊戲中玩家將建造自己既村莊,但係要興建更多既設施則需要派遣冒險隊展開冒險,透過冒險中所得到既資源黎不斷擴展村莊規模。當村莊設施更齊備,就可以提供更好既裝備及訓練,令到冒險者更為強大,可以前進到森林更深處。

 

 

當然玩家仲可以進行冒險者聘用、生產工藝品等操作。每次玩家最多可以派出三個冒險隊,係冒險中玩家只可以對冒險隊下達使用魔法同撤退指令,其他動作都係自動進行。當冒險隊返黎時可以去教堂祈禱,恢復 HP。

 

 

《Swag and Sorcery》已經推出,暫時只有 PC Steam 版本,現時做緊特價 HKD $49.5,抵玩!

 

《Swag and Sorcery》Steam 傳送門

 

回帶相關文章:

【搵餐晏仔】牧場物語玩法但係玩墓地經營!《Graveyard Keeper》賺錢方法居然係販賣死體?

 

五木

動漫電玩宅,極愛金田一系列,擅長動作及策略遊戲

追蹤

更多文章