【遊戲新聞】進入最後埋尾階段《The Last of Us Part II》團隊大量請人望加快完成進度

 

由 Naughty Dog 開發、並由 SIE 發行嘅大熱遊戲作品《The Last Of Us Part II》黎到 2019 年嘅今日,製作總算進入尾聲階段!不過,公司嘅 Director Anthony Newman 早前就公開一個消息,話開發團隊而家大量請人中,到底係乜野一回事?

 

 

團隊要求嘅人才包括有動畫師、系統工程師等等,個個職位都非常重要;呢個消息一公開,唔少網友都不禁發問「咦?又話就黎搞掂,點解而家先黎請咁多人?」;亦有一種說法話係「請多啲人手可以加速遊戲開發進度完成」咁話。

 

 

《The Last Of Us》第一集推出之後,得到非常唔錯嘅口碑,所以全球玩家都對《Part II》抱有極高期待,唔知團隊又會唔會如願大量吸納人才,令到遊戲推出時更加盡善盡美呢?加上就黎 E3,相信《Part II》亦會有進一步消息公佈,大家一齊黎靜候發展吧。

以下為去年 2018 年 E3 公佈嘅遊戲片段:

 

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻!

追蹤

Facebook 更多文章