【E3 2019】終於出動作角色扮演遊戲 《龍珠 Z:卡卡洛特》體驗悟空傳奇一生

今日喺微軟舉行嘅 Xbox E3 展前發佈會入面,BANDAI NAMCO Entertainment 放咗條之前公布嘅龍珠新作《PROJECT Z》(暫名)實機遊玩影片出黎,並且正式確定名稱為《龍珠 Z:卡卡洛特》(DRAGON BALL Z: KAKAROT),預計於明年初上市。

 

 

影片開頭有鳥山明嘅引言,表示今次呢隻遊戲將《龍珠》整個世界觀濃縮喺入面,玩家可以完全沈浸於其中並且享受遊戲。而且亦係極之罕見,用《龍珠 Z》做動作角色扮演遊戲,Fans 們終於恨到!

係呢款全新嘅遊戲入面,玩家將以悟空(即係撒雅人卡卡洛特)體驗故事,大家將再次重溫《龍珠 Z》入面各種經典角色死亡場面(阿樂之死點少得)。而開發部份就由曾製作《火影忍者:終極風暴》系列嘅 CyberConnect2 負責。

 

 

《龍珠 Z:卡卡洛特》預定於 2020 年初推出,對應平台 PS4 / Xbox One / PC。

森麻

VJGamer總編,細細個已經蒲機舖,機齡甚深,熱愛電玩文化。

追蹤

Facebook 更多文章