呢排唔同嘅玩具廠商都開始公佈佢地嘅 SDCC 限定產品，而 MEZCO ONE:12 COLLECTIVE 系列今次唔出超級英雄，但好多 Batman Fans 都非鍾意嘅角色 – 哥頓局長 Commissioner James Gordon，而且仲有超重磅配件，真係著得嘅蝙蝠信號燈 Bat Signal。

哥頓局長以經典大褸配綠色裇衫造型登場，而亦可以換上黑色 GCPD 戰術背心同其他裝備配件，變成執行行動嘅服裝。而個蝙蝠信號燈唔單止著得到，仲要係做到同漫畫或電影情節一樣拉「大掣」先會啟動，再配埋 Gotham City 葛咸城夜景嘅背景板，真係同置身葛咸城警署頂樓睇住哥頓局長開燈召喚 Batman 一樣！

戰術背心加埋件大褸都唔會好臃腫

今次連條?都除得

蝙蝠信號燈照落背景板度效果真係唔錯

官方有埋開箱片，唔信效果好嘅真係入去睇睇，冇呃你架！

MEZCO 官方網站就已經開始預訂，未計運費賣美金 $125 (約港幣 $977)，不過就要 8 月先開始出貨，但香港想早啲買到嘅朋友，記住留意住我地嘅消息同報導啦！

Commissioner James Gordon and Bat Signal – Deluxe Edition 官網傳送門