【遊戲花邊】格鬥遊戲《Mortal Kombat》搬上《America’s Got Talent》舞台上演關節 Play

 

美國真人表演節目《America’s Got Talent(AGT)》自從 2006 年開播以黎,一直受世界各地觀眾歡迎,由於香港電視台都有定期轉播嘅關係,相信各位讀者對於呢個節目亦都唔會陌生。

節目吸引力有幾點,例如主持 Simon Cowell 對於騎尼參賽者嘅毒舌批評,當然亦有最重要嘅係,呢個舞台令到好多有才能嘅朋友,無論唱歌、跳舞、魔術、雜耍等等,都能夠有對外伸展嘅機會,係一個不可多得嘅曝光平台。例如目前世界聞名嘅魔術師 Shin Lim,就係呢個節目第十三季嘅總冠軍,目前喺拉斯維加斯進行緊演出。

而喺最新一集出爐嘅《AGT》,其中一隊參賽者一出場,就奪去全場人士目光。

 

 

呢隊參賽者嘅表演,係啟蒙先著名格鬥遊戲《Mortal Kombat》;所以佢地亦分別飾演 Raiden、Smoke、Scorpion 以及 Sub-Zero。放心,佢地唔係上舞台度打,佢地嘅表演,係跳舞。

 

 

不過,佢地嘅舞蹈絕對非一般,事關四位參賽者都有靈活身體關節,可以自在地扭黎扭去;有玩或者睇過《Mortal Kombat》嘅朋友,相信都會對於遊戲中殘酷嘅各種肢體動作有深刻印象,而呢隊名為「Adem Show」嘅組合,就係將呢種扭曲嘅肢體元素,揉合遊戲風格與舞蹈,踏上《AGT》舞台。

結果?你睇下夏維個樣?

 

 

前言講到呢度為止,條片,擺上 Youtube 短短兩日,已經突破 300 萬點擊率,非常強勁,我地一齊去片:

 

 

相關文章:
【遊戲評測】《Mortal Kombat 11》完美展現暴力美學 新手入門同樣好玩

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章