【朝聖熱點】啲龍係少女甘甜蜂蜜檸檬味《Monster Hunter》15 週年出味覺糖!

 

《Monster Hunter World: Iceborne》DLC 就出,今年又咁啱係系列作第 15 週年,所以日本方面都不遺餘力地做緊推廣。尋日編輯部同事為大家介紹過即將開幕嘅「Capcom Store Tokyo」,今日又有另一樣有關《MH》嘅周邊同大家分享。

「UHA 味覺糖」相信係唔少朋友都食過嘅糖果,今次《MH》就同佢地合作,推出「《MH》口味 UHA 味覺糖」,一盒七粒,售價為 127 円,6 月 24 日開始全線便利店有售,7 月 22 日開始就會喺各大日本超市上埋架!糖果盒嘅外觀造型如下:

 

 

盒嘅設計,好型;糖嘅名「裂けるグミ レモン(爆裂橡皮 檸檬)」都…好型,不過,大家或者好好奇,到底《MH》會係乜野味。

答案,係「蜂蜜檸檬味」。啊咦……

 

 

Sorry,我唔應該聯想到呢樣野。(唔知呢個係乜野 meme 可以參考呢一度

之所以會加入「蜂蜜」元素,係因為「蜂蜜」係《MH》世界裡面其中一樣重要道具!又話說,每盒糖果裡面嘅印花都唔同,圖樣分別係《MH》裡面 16 隻具代表性嘅龍,仲有 2 隻「UR」級龍就唔會公開,等買家自己慢慢發掘咁話!

 

 

如果各位朋友黎緊今個夏天會赴日旅遊,不妨去便利店掃下貨啦!

 

 

延伸閱讀:
【朝聖熱點】CAPCOM 11 月澀谷開實體店・主打商品《Monster Hunter》《Biohazard》等
【遊戲攻略】《Monster Hunter World: Iceborne》全武器新動作 改動及新增技能解讀
【遊戲新聞】《Monster Hunter World》大型 DLC「Iceborne」 詳細內容及新魔物一覽

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻!

追蹤

Facebook 更多文章