【讀者投稿】《Monster Hunter World: Iceborne》Beta 版本全武器初心感想

 

話說,《Monster Hunter World: Iceborne》Beta 試玩版本,好幾件武器都測咗出來。效果都唔錯。

「笛」係全面強化作戰能力,響音攻擊打點高而且多 Hit 高傷,而響音做出來嘅樂曲都傾向實在。紅音係打擊系嘅音色、綠音就係預告中嘅回血泡;而鼓笛技能強化,減少補 Buff 嘅時間,對強化作戰能力後嘅應該幾重要。

「片手」嘅 Just Rush,改善咗《MHW》中因應盾擊不具屬性嘅影響,而手數武器嘅片手竟然「物理>屬性」嘅慘況一套 Just Rush 嘅動作時間約飛天盾嘅 1.5 倍,物理傷害約 2 倍,屬性值應該更高(試玩中係麻片,無得測)。

其次,作為最容易用到「飛翔爪」嘅武器,飛翔爪拉怪撞牆嘅強勢,令到片手亦都跟住強化。閃光彈嘅每人分擔,應該可以輕減片手作為輔助嘅責任,或者係可以多考慮異常或飛翔撞牆嘅輔助。

 

 

「斬斧」對能夠活用斧形能或者擅於變形嘅,都得到唔錯嘅評價;但係對於只玩「劍」嘅人來講無甚意義。「斧」形態嘅控場力同機動性上升,後縱斬嘅退後比原本更快,而斧強化斬動作值為斧之中最高;配合飛翔零解高於 100 嘅動作值。

分配好「斧」嘅常態應對,以及「劍」嘅瞬時爆發,將會相當實用。

「盾斧」嘅新強化,令盾斧擺脫超解一途嘅打法,斧強化嘅提升相當實在。

「大劍」嘅強化,完全係實在地喺真蓄中落手。

「槌」可以喺蓄力攻擊後接飛翔爪追打,追擊密集嘅情況下,對暈頭嘅控制更好。

「蟲棍」喺蟲強化下,可以做到 135 秒嘅三燈(未計強化持續),減少集燈時間。空中突刺攻擊力高,而且有蟲印亦方便接地上攻擊,行雲流水。

「銃槍」好可能要睇炮術等級去到幾多同幾強,先知道新效果有幾多。暫時表現無大變化。

「長槍」與其話受惠動作變化,不如話期待下新技能攻擊守勢,瞬時防禦下 12 內最高提高 15% 物理傷害。

「雙刀」都係屬於正常,無太大變化嘅一部份,係多咗「回避射擊」同「飛翔爪攻擊」一套嘅互動。

「弓」嘅千千矢傷害好似好高,不過就走物理路線,而屬性攻擊好似有下調,不過要睇實 Game 點,因為少太多技能,易有誤差。

「太刀」見切有個小 Nerf,在於氣刃槽不足 1/5 下,見切會無無敵。居合攻擊力以及效果都實在,但特殊納刀會令到太刀使用者更需要配備納刀術;至於拔刀術就見人見志。

「重弩」擴散彈藥果實嘅携帶量減少係最大變化。

就咁睇,唔只新增動作,仲有動作調整,咁應該到時《MHW》都會同步更新舊動作。

 

 

初試感想如上,多多指教。

 

古渡

古渡 《Pokemon XY》400小時遊玩時間,天梯賽1700以上嘅非專業玩家。閒時會寫下嘢咁

追蹤

更多文章