「一拳超人」呢套動畫全球大熱，啱啱動畫第二季播完最終話令到作品受歡迎程度更上一層樓。奇怪地一套咁受歡迎嘅作品，遲遲都未喺家用機上推出遊戲，搞到一眾 Fans 心癢癢。不過今日 BANDAI NAMCO Entertainment 就正式發表動畫「一拳超人」首隻家用機遊戲 《一拳超人 無名英雄》，質素睇落仲唔錯！

《一拳超人 無名英雄》為格鬥對戰遊戲，暫時已知登場角色有埼玉、傑諾斯、吹雪、無照騎士、音速索尼克五位。而據知情人士透露，本作遊玩方式將類似同廠另一作品《Jump Force》，同屬簡單明快嘅格鬥遊戲。故事情節就似乎只係去到打完暗黑盜賊團「暗黑物質」，似乎「餓狼」未有收錄。

老師必殺技「連続普通拳」

傑諾斯超必殺技「両手焼却砲」

吹雪必殺技「地獄嵐」

音速索尼克必殺技「音速斬撃」

無照騎士必殺技「「正義撞擊」

《一拳超人 無名英雄》暫時未有推出時間，估計大約係 2019 年內，對應平台為 PS4、Xbox One、PC Steam。