【遊戲周邊】超過 200 年歷史職人級和果子老店・鶴屋吉信 x《星之卡比》超萌聯乘可網購

 

日本傳統點心「和果子」係一樣好出色嘅藝術品,而鍾意留意日本嘅朋友,或者你地都聽過京都和果子職人老店「京菓匠 鶴屋吉信」呢間舖頭。

「京菓匠 鶴屋吉信」於 1803 年創立,至今歷史超過 200 年;為左令到傳統點心「和果子」變得親和,「京菓匠 鶴屋吉信」近年好努力地經營網上商店、IG、同埋將「和果子」嘅款式以及包裝改良,令佢地變得現代化同埋時髦。

呢間老店最近仲做出超大突破,就係同任天堂《星之卡比》合作,首次推出同其他品牌聯乘嘅 Crossover 產品,我地一齊睇黎下:

 

 

今次合作嘅點心叫做「カービィのまんまる手づくり最中(意指:圓滾滾卡比的一口最中種)」。

「最中種」係一種糯米加工製成嘅點心,亦都係和果子常見嘅原料。今次推出嘅口味共有兩種,分別為紅罐「紅豆」以及綠罐「柚子」,建議食法如下:

 

 

其實今次之所以會推出卡比聯乘產品,係因為 2020 年係日本嘅大日子:東京奧運會!所以各門各戶都想盡辦法去將日本文化產品推介比全世界。相信繼和果子之後,黎緊仲會有好多唔同嘅品牌會同任天堂合作吧?因為《Mario》係東京奧運會嘅其中一個代表!

有興趣想網上預購嘅朋友,可以去【呢個網址】。

假若你 7 月份會到東京或京都旅遊的話,以下三間實體店將於 7 月 7 日開始限量發售呢套卡比和果子:

・鶴屋吉信 IRODORI(京都駅八条口)
https://www.tsuruyayoshinobu.jp/shop/pages/tenpo_irodori_top.aspx

・鶴屋吉信 京名菓・名菜処 亰店(京都駅ビル2F)
http://www.thecube.co.jp/shop/181

・鶴屋吉信 東京店(COREDO室町3)
https://www.tsuruyayoshinobu.jp/shop/pages/tenpo_tokyomise_top.aspx

 

 

麻生龍

中二病廢中,打機會自己講野自己笑,鍾意睇機械人動畫,貓世一。

追蹤

更多文章