【遊戲周邊】《Pokemon》x 香港過江龍「糖朝」珍珠奶茶・今個夏天旋風登錄東京

 

日本近年興起一股「珍珠奶茶熱」,為左擺上 Twitter 定 IG,好多年輕人都熱衷地嘗試唔同口味嘅手搖飲料,珍珠奶茶舖頭更加係開到一街都係。

香港過江龍品牌「糖朝」去到日本都係大受歡迎,最近仲宣佈同《Pokemon》合作,推出六款唔同口味、搭配唔同小精靈造型嘅設計杯子,想必又會掀起一輪新嘅排隊熱潮。

 

 

口味包括:比卡超珍珠芒果沙冰、伊貝珍珠奶茶、比卡超蜜瓜梳打、奇異種子珍珠抹茶牛奶、比卡超彩虹梳打、以及夢夢珍珠西瓜沙冰;六種口味飲品售價由 540 日元到 754 日元不等,7 月 17 日開始販售,將會作為期間限定產品上架至 9 月尾。

雖然對於香港朋友黎講,「珍珠」系列飲品真係已經飲到盲目,不過假如各位呢個夏天會到東京一遊,不妨感受下最新東京街頭文化:珍珠奶茶打卡!Pika!

 

 

 

 

麻生龍

中二病廢中,打機會自己講野自己笑,鍾意睇機械人動畫,貓世一。

追蹤

更多文章