【遊戲新聞】經典牧場物語作品《再會礦石鎮》重製版 10 月中登錄 Switch 再迎豐收

 

經營遊戲《牧場物語》系列相信係唔少玩家心目中嘅經典,雖然自從佢推出之後,有唔少同類型遊戲如雨後春筍般湧現,不過都無損《牧》喺玩家心中地位。

Marvelous 公司早前就宣佈,已將 2003 年發售遊戲《牧場物語 礦石鎮的伙伴們(ミネラルタウンのなかまたち)》進行重製工作,新版名為《牧場物語 再會礦石鎮(再会のミネラルタウン)》,對應 Switch 平台,預計今年 10 月 17 日上市,定價為 5,800円(未連稅)。

 

 

遊戲裡面供玩家選用嘅角色,分別為男性(2 種)以及女性(2 種);登場動物唔止貓狗,仲有企鵝同水豚!《牧場物語》嘅好玩之處在於,佢唔止要玩家去經營農耕日常,仲鼓勵玩家同其他住民進行頻繁交流,角色之間仲會有戀愛以及結婚元素,可以話係一個比玩家進行第二人生嘅迷你世界。

 

 

最新宣傳影片如下:

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章