【遊戲新聞】Epic Games Store 限時免費送《Overcooked》歡迎加入友誼炎上

 

2016 年推出嘅合作小品遊戲《OVERCOOKED!》自推出以來一直大受玩家歡迎,系列亦於去年推出第二集。遊戲共有 Switch、PS4 以及 PC 版本,而 Epic Games Store 即日開始,就會將《OVERCOOKED!》遊戲列為限時免費項目供用戶下載,限期到 7 月 11 日為止。

 

 

今次免費下載版本,係首代嘅《OVERCOOKED!》,共 28 個關卡,以及一個最終頭目關卡。免費版本唔包括 DLC,同埋淨係對應 Windows 版用戶,Mac 機朋友就暫時無份了。

《OVERCOOKED!》遊戲一直有「友誼炎上」「情侶分手危機」「燒廚房」等戲稱,遊戲單機玩基本上無可能過到關,所以聯機玩家數量通常為 2~4 位。由準備材料到烹調、由運送食材到上菜,《OVERCOOKED!》嘅關卡各有唔同地型以及陷阱,所以玩家之間少啲合作精神,都會隨時會累全家。

如果你唔係 PC 用家,呢度仲有另一個介紹比你,因為《OVERCOOKED!》而家喺 Nintendo eShop 都仲緊優惠:

 

 

呢隻遊戲作為居家旅行都係唔錯嘅派對系作品,各位朋友如果之前未玩過嘅,不妨把握今次機會啦!

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章