【遊戲新聞】尋找失落神明光芒《BLUE PROTCOL》人物世界觀動作元素設定吸引

 

Bandai Namco 早前宣佈現正開發名為《BLUE PROTOCOL》嘅線上動作 RPG 遊戲,並於 7 月 6 日公開官方網站,對外招募 5,000 位玩家以 PC 作為平台,於 7 月 26~28 日指定時間內進行封測試玩。

自從多左「手機」呢個平台之後,Online Game 嘅發展似乎亦有所變化,手機遊戲數目不斷增多,但係相對黎講遊戲壽命就大幅降低;所以 Bandai Namco 喺呢個時候宣佈推出一隻 PC 平台為主嘅全新 OLG《Blue Protcol》的確令人頗為驚喜。

 

 

遊戲由 Bandai Online 以及 Bandai Namco Studio 共同開發,成個企劃名為「PROJECT SKY BLUE」,由於首條公開 PV 裡面有超高質動畫元素,所以遊戲好有可能會同步進行輕小說或者動畫化嘅計劃。

《Blue Protcol》以架空星球為舞台。遠古年代,星球居住左名為「バファリア神族」嘅神明們,佢地為呢片大地帶來極度繁華以及高科技,但係隨住年代遠去,神明離開左呢片土地,取而代之係普通人民。玩家作為星球人民,一方面要從各處遺跡尋找失落嘅神族文明以及殘留技術,一方面要抵抗「惑星の獣」嘅侵襲,旅程從此展開。

 

 

作為一個 Online Game 玩家當然可以自由選擇職種,以及個人化角色外觀,至於實機遊玩片段相信就要等日本方面朋友 7 月尾試玩完之後先有進一步感想評價了。編輯部都會密切留意遊戲之後發展,例如會唔會對應 PC 以外平台、Server 係日本限定抑或亞洲版另有 Server 等等,有進一步消息會再同大家分享。

假如有讀者身居日本,你可以馬上到遊戲官網參加封測應募;我地都好歡迎你玩完同我地分享玩後感架(喂)

封測召募頁

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章