Nintendo Switch 都出左都出左兩年有多啦，老任啲主機向來都賣到咁上下就出個平價版、輕巧版之類去引下啲未落坑嘅朋友。而之前啲小道消息流出新版 NS 嘅樣都知，唔係傳聞中嘅咩高清版本，而係一個新嘅便攜版 NS – Nintendo Switch Lite， 9月20日正式發售，售價定為 19,980円(港幣 $1490)，比起原版平左一萬円。

新版 NS 定名為 Nintendo Switch Lite，外表一睇就知主機同手掣 Joy-Con 一體化。講明便攜版，所以就冇左 TV Mode 同埋 Tabletop Mode，所以就算你有個底座，放部 Lite 都唔會有用。而且 Joy-Con 一體化之後，連振動功能都冇埋，如果要玩體感 Game 就要另外買多對Joy-Con先得啦！

雖然好似少左功能，但 Lite 當然輕左細左，全部機得返 275g，比起原版冇 Joy-Con 嘅情況下重要輕左 123g，而且續航能力比之前多左少少，大約去到 3 至 7 個鐘。暫時有黃、灰、青玉三隻色比大家選擇。